UDAL HAUR ESKOLA
Gure seme-alabak hezteko familiok dugun eginkizunean lagunduko duen kalitatezko hezkuntza zerbitzua da Lilitegia (Udal Haur Eskola). Lilitegiak haurraren behar fisiko, afektibo eta emozionalak garatzen lagunduko du heziketaren bitartez eta hau guztia, euskaraz lortuko dugu.
Lilitegian eskeintzen eta egiten dugun lan pedagogikoa, umeen heziketa, osotasunean, lortzera zuzenduta dago. Umea, bere buruarekin eta ingurukoekin seguru sentitzea dugu helburu. Segurtasun horrek emango baitio konfidantza bere garapen egokirako.
Konfiantzaren pedagogian oinarritutako heziketa eskainiko diogu umeari familiarekin elkarlanean: Umearen heziketa, adin bakoitzerako egokiak diren jarduera desberdinekin osatzen joango gara; komunikazioa, estimulazioa, esperimentazioa, erlaxazioa, emozioen kudeaketa,... Guztia, mugimendu librean eta jolasean oinarrituta.
Hau guztia talde txiki eta goxoetan; gelak txokoetan banandurik; etxean bezala; hezitzaile talde profesionala; familiarekin etengabeko harremanean; sukaldari talde propioa…
- Nori zuzenduta: Pasaiako eta bailarako 0-3 urte bitarteko umeei.
- Ordutegia: 7.30-17.00- Sarrera eta irteera ordutegi malguak, familien beharretara egokitutakoak.
- Egutegia: Irailetik uztaila bitarte irekita.
- Harremanetarako telefonoa: 943390511
- Helbidea: Arrandegi kalea, 21. Pasai Trintxerpe (kokapena google maps)
GURE LILITEGIA GERTUTIK ETA KONFIDANTZAN EZAGUTU NAHI BADUZU, DEITU ETA BAKARKAKO HITZORDUA ADOSTUKO DUGU.
Pasaian kokatutako beste hezkuntza-zentroak
