Web edukia bistaratu
Ziriza Etxearen Erabilera
Amaia Agirregabiria Pasaiako alkateak eta Oihane Oronoz parte-hartze zinegotziak La Herrera Herrira herri plataformarekin batera aurkeztu du Udalak herrian gauzatuko duen hurrengo parte-hartze prozesua. Pasaiako Udalbatzak 2011ko maiatzaren 18an onartu zuen La Herrerarako ordenazioaren barruan kokatzen da Ziriza etxea, eta eraikin horren erabilera eredua erabakitzea izango da parte hartzearen funtsa.
Helburu gisa herritarrentzako erabilera askotariko eraikina izango da Ziriza, denbora guztian herritar guztiena izan beharko du, eta ez partikularki inorena.
Horretarako herriko eragileekin informazio bilerak egingo dira ostegun honetatik aurrera, hilak 18. Baina helburua ez da eragileek soilik parte hartzea, norbanakoak ere parte hartzera gonbidatuta daude. Urtarrilean, berriz, hiru parte-hartze saio egingo dira Zirizaren erabilera eredua herritarren artean adosteko asmoz.
Prozesuaren garapena:
AURRETIKO FASEA:
- Abendua eta urtarrila: sozializaziorako dinamika, gizarte-eragile eta herritarrekin batera.
- Otsail eta martxoan zehar: hiru lan saio:
- Ziriza etxea ezagutzea.
- Gernikako Astra ikusteko bisita egitea.
- Lan saioak, nola taldeetan, hala osoko bileran.
Datak eta tokiak:
- Otsailak 7 : Ziriza etxea
- Otsailak 28 : Astrara bisita eta lan saioa bertan
- Martxoak 14: ondorioak eta prozesuaren itxiera