Web edukia bistaratu

TIPI TAPA BADIA INGURATU

Buelta bat emango al dugu?

Pasaiako Udaleko Jarduera Fisikoaren eta Kirolaren Sailak herriko 4 jubilatuen elkarteekin batera "Tipi Tapa badia inguratu" programa antolatutzen du. Programaren xedea da Pasaiako adinekoak bultzatzea udalerriak dituen hiri eta natura ibilbideetan tipi-tapa ibiltzera. Azken urteetan garapen handia izan du barruti bakoitzeko hiri ibilbideen sareak, eta era berean barruti bat bestearekin edota udalerri mugakideekin lotzen duten sareek ere, eta horrela hainbat ibilbide sortu dira, zailtasun maila ezberdinekoak.

Ezagunak dira jarduera fisikoa egiteak pertsonen osasunean dituen eragin onuragarriak. Eta haiek garrantzi berezia hartzen dute adin handiena dutenen artean. 

Nahikoa eta gehiegi frogatua dago zer-nolako eragin onuragarria duen eskuarki jarduera fisiko moderatua egiteak. Jarduera fisikoa erregulartasunez egitea osasunerako lehentasunetako bat da, gaixotasun kroniko-degeneratiboei aurrea hartzeko, batez ere hirugarren adinean.

Programa aurrera eramateko, tokiko sare bat ehundu da, Jarduera Fisikoaren eta Kirolaren Sailaren, Pasaiako kirolguneen, udalerriko osasun etxeen eta jubilatuen elkarteen artean. Azken horiek programaren erreferente nagusiak izango dira. 

Sare horren helburua da jarduera egiteko interesa erakusten dutenei beharrezko informazioa helaraztea. 

Tokiko sarea arduratuko da informazioaren banaketa koordinatzeaz, taldeak antolatzeaz eta premiak antzemateaz. Osasun etxeak eta jubilatuenak dira lekurik aukerakoenak partaide izan daitezkeenak sentsibilizatzeko.

HELBURUAK

  • Tokiko sarea egonkortzea, adineko jendea dinamizatzeko, eta Pasaiako hiri ibilbideen sarearen erabilera zabaldu eta dinamizatzeko.
  • Hirugarren adinekoen artean ohitura eta errutina osasungarriak lantzea, horiei eta bestelako jarduera osagarriei esker, parte-hartzaileen osasun orokorra hobetzeko.
  • Esparru psikosozialean osasuna hobetzea, gizarte harremanak sustatzeko aukera emanez eta komunitatearekiko integraziorako eta autoestimua handitzea.
  • Azken batean, egoera fisiko orokorra landu nahi da, erresistentzia aerobikoaren garapena hobetzeko, muskuluen indarra handitzeko, eta artikulazioen mugikortasuna garatzeko, besteak beste.

DINAMIZAZIOA

Urte berezia izaten ari bada ere, 2021-2022 kurtsoan Tipi-Tapa egitasmoa martxan jarriko dugu. Aurten ere segurtasun neurri guztiak bermatuz, tipi tapa kalera eramango dugu. Aurreko kurtsoan 4 barrutietan martxan jartzea lortu genuen eta aurten ere halaxe izango da.

Jarraian barruti bakoitzeko Tipi- Tapa egunak eta ordutegiak ikus ditzakezue. 

Tipi- apan parte hartzeko ez da izen ematerik egin behar, nahikoa da dagokion orduan hasiera puntura joatea eta parte hartzea.

Covid-19 protokoloa

  • Musukoa derrigorrez jantzia eduki behar da saio guztian zehar. Hala ere, kasuan kasu, salbuespenak egon daitezke, arnas arazoak, beroa,.. Kasu hauetan, musukoa kendu ahal izateko ondoan inor ez dagoela kontuan izan behar dugu.
  • 10eko taldeak izan beharko dira eta partaideen artean 1,5metroko distantzia mantendu beharko da.
  • 10 pertsona baino gehiago agertuz gero, 2 talde sortuko dira. Bi talde hauen arteko distantziak ibilbide osoan zehar 10 metrotakoa izan beharko du.
  • Partehartzaileek ezingo dute haien artean ezer partekatu, ur botilak, aterkiak,…

Eraman beharreko materiala

  • Musukoa (udalak propioak banatzea aurreikusten badu ere)
  • Ur botila
  • Gel hidroalkoholikoa
  • Arropa eta oinetako erosoak.

Edozein zalantza izanez gero, deitu 634 555 049ra edota aktibatu@pasaia.net-era idatzi.

ANIMATU ETA ASTINDU ZUEN GORPUTZAK!!