Pasaiako euskararen plan estrategikoa prestatzeko barrutietako bilera egunak zehaztu dira

Bilera Egutegia

Pasaiako Udalak datozen 10 urteetarako udalerriko euskararen erabilera sustatzeko plan estrategikoa osatu nahi du. Herritarren parte-hartzean oinarrituta osatu nahi du plana, horregatik dira hain garrantzitsuak herritar talde guztien ekarpenak. Plan estrategikoan parte hartzen duten herritarrek bi bileratan eta amaierako aurkezpen ekitaldian hartuko dute parte. Guztia martxoa eta maiatza bitartean gauzatuko da.

Barruti bakoitzean lantalde bat osatuko da. Nahi duten herritarrek hartu dezakete parte eta, gainera, aurretik “antolatuta” dauden eragile guztiengana joanak gara, eta parte hartzeko gonbita zuzenean egin diegu. Barrutietako lantalde horiez gain, merkatariekin eta gazteekin beste lantalde bana ere antolatuko da.

Hauexek dira barrutietan bilerak egiteko zehaztutako egunak:

  Donibane Trintxerpe Antxo San Pedro Merkatariak
Lehen bilera
Balorazioa		 Martxoak 15 Martxoak 17 Martxoak 22 Martxoak 23 Martxoak 23
Bigarren bilera Apirilak 5 Apirilak 7 Apirilak 12 Apirilak 13 Apirilak 13
Non Udaletxean Alkateordetzan Kultur etxean Udal Aretoan Trintxerpeko Alkateordetzan
Ordutegia 19:00-21:00 19:00-21:00 19:00-21:00 19:00-21:00 14:30-16:30

Gazteak: martxoan eta apirilean zehar prozesu berezi bat landuko da gazteekin.
Herritar guztien parte-hartzea beharrezkoa da,  plana garatzeko garaian ikuspegi ezberdinak kontuan eduki ahal izateko.
Animatu parte hartzera!