OARSOARRAK
Oarsoarrak Oarsoaldeko (Errenteria, Lezo, Oiartzun eta Pasaia) herritarrek osaturiko komunitate edo jendartetxoa da, bertako jendartearen lagin edo mostra bat. Egunero kalean ikus ditzakegun errenteriar, lezoar, oiartzuar eta pasaiatarren isla da azken batean. Jakin badakigu ez dituztela jendarteko jende-talde edo jende-mota guztiak ordezkatzen -pertsonaia gehiegi beharko genuke horretarako- euskararen normalizazioan lehentasunezko jotzen ditugun publikoak ordezkatzen dituzte.
Guraso gazte euskaldunak, euren seme txikia, haurdun den emakumea, hiru gazte martxoso, emakume enpresaria, aitona eta haren zaintzaile etorri berria, emakume dendari heldua eta neska tabernari gazte independizatua.
Ekimen hau Oarsoaldeko Euskara Batzordeak sortu du Iametza Interaktiboa S.L komunikazio enpresarekin elkarlanean, Euskara Batzordearen eguneroko jarduna modu dibertigarri eta gertukoan gizarteratzeko helburuz.
Oarsoaldeko Euskara Batzordea
Oarsoaldeko Euskara Batzordea Errenteria, Lezo, Oiartzun eta Pasaiako Udalek euskararen normalizazioan elkarlanean jarduteko sortutako tresna edo elkargunea da. Oarsoaldea Garapen Agentziaren baitako euskara zerbitzuaren gidaritza organoa ere bada aldi berean.
Kanpainak euskara sustatzeko Oarsoaldeko komertzioetan
