JARDUERA AUTOMATIZATUAK

40/2015 Legearen 41.1 artikuluak honela definitzen du administrazio-jarduketa automatizatua: Administrazio-jarduketa automatizatutzat hartuko da edozein egintza edo jarduketa, administrazio publiko batek osorik bitarteko elektronikoz egina administrazio-prozedura baten barruan, enplegatu publiko baten zuzeneko esku-hartzerik gabea.

Administrazio-jarduketa automatizatuek ondorengo aukerak ematen dituzte:

• Herritarrek aurkeztutako eskaerei erantzuteko denborak murriztea.
• Automatizatzen diren kudeaketekin zerikusia duten administrazio-arloko lan-kargak arintzea.
• Udal-langileak balio erantsirik ematen ez duten zeregin errepikakorretatik ordezkatzea.
• Erabilgarritasun handiko zerbitzuak izatea, eguneko 24 orduetan eta asteko 7 egunetan, normalizazio handiarekin.
• Datuak eta dokumentuak beste administrazio batzuekin partekatzea, interesdunek aurkeztu beharrik izan ez dezaten.

Pasaiako Udalak indarrean dituen jarduketa automatizatuak.

• Biztanleen udal-errolda. Agiriak ematea.
• Udalaren diru-bilketa. Ordainagirien jaulkipena. Jakinarazpenak jaulkitzeko hainbat prozesu. Epeen araberako hainbat kalkulu.
• Sarrera-erregistroa. Erregistroko alta-prozesuetan, emate-egiaztagiria egitea.
• Elkarreragingarritasuna. Datuen truke automatizatua hainbat administraziorekin, NISAEren bidez, udal-eskumenak kudeatzeko.

Jarduketa automatizatuetarako Udalak zigilu elektroniko bat erabiltzen du.