2018an izan zen lehen edizioak arrakasta itzela izan zuen: 10 itsas kultura ordezkatu zituzten 115 ontzik parte hartu zuten, 300 tripulatzaile inguruk. Horren ondoren, 2022an benetakotasunarekiko konpromisoa sendotu nahi dugu, eta ondare-balioa duten itsasontziei protagonismoa eman. Ontzien kalitatea eta itsas kulturaren aniztasuna dira Pasaiako Itsas Festibalaren izaeraren oinarria. Lehen edizioan 125.000 bisitari izan ziren horren guztiaren lekuko.
Pasaia Itsas Festibala Euskal Kostaldeko nazioarteko itsas kultur ekitaldirik garrantzitsuena da. Pasaiako badia itsas kulturaz gainezka dago. Ondare balioa duten ehunka ontzi tradizionalek kanaleko urak zeharkatzen dituzte; aldi berean, lehorrean musika, gastronomia, artisautza, tailerrak eta dibulgaziozko hamaika ekitaldi egiten dira.
4 egunez, Pasaiak bere erritmoa, kolorea eta usaina aldatzen ditu itsasoari eta bertako jendeari omenaldia egiteko, eta, horrela, itsas gune handi gisa duen lekua aldarrikatzen du. Ikusleen, tripulazioen eta aurreko edizioetako laguntzaileen harrera bikainak Pasaia Itsas Festibala nazioarteko erreferentziazko bi urteko hitzordu bihurtzeko konpromisoa eta asmo sendoa bultzatzen du.
