Trintxerpeko Illunbe Abesbatza
Illumbe Abesbatzak 1984an hasi zuen ibilbidea. Garai hartan kontserbatoriotik zetozen ikasle eta irakasleek osatzen zuten abesbatza; gaur egun (1994az geroztik), aldiz, solfeoko ezagupenik ez duten Trintxerpeko hirurogeita hamar bizilagunek osatzen dute; baina, hala ere, gero eta teknika hobea eta musikaltasun handiagoa eskaintzen saiatzen dira.
Abesbatza honek Euskal Herriko herri garrantzitsuenetako musika-ekitaldietan parte hartu du, eta Euskal Herritik kanpo ere kontzertuak eman ditu: Toledo, Kordoba, Sevilla, Erroma, Vatikanoa, Tenerife, Paris, Brusela, Cádiz, Algeciras... Gaur egun Pasaia Musikaleko irakasle Saioa Ruiz Erasunek zuzentzen du abesbatza.