Web edukia bistaratu

Euskara Oarsoaldeko Komertziora

Oarsoaldeko Euskara Batzordeak urtero gremio bat aukeratzen du bertan euskararen ezagutza eta erabilera areagotzeko, Pasaiako udalerriko merkataritza eta ostalaritza establezimenduak barne direlarik. 

Web edukia bistaratu

2021eko kanpaina: ESTETIKAKO ESTABLEZIMENDUAK

EUSKARAZ EDERRAGO!

Dagoeneko 46 establezimenduk egin dute bat kanpainarekin, ostalaritza eta merkataritza sektoreetan euskararen normalizazioa sustatzeko.

EUSKARAK DENOK EDERTZEN GAITU

Urteak dira, hogeita bost zehazki, Oarsoaldeko lau udalak, Oarsoaldeko Euskara Batzordearen bitartez, merkataritzan eta ostalaritzan euskararen normalizazioa sustatzeko elkarlanean ari direla.

Aurten ere lanketa berezia egingo da merkataritza sektore jakin batekin eta gaur aurkeztu dituzte, hain zuzen ere, Trintxerpeko Naiu estetika zentroan, 2022an Oarsoaldeko estetikako establezimenduei zuzenduko dizkieten ekimenak – Loreto Osa, Pasaiako euskara zinegotzia, Eneko del Amo, Errenteriako garapen ekonomikoko zinegotzia, Josu Delgado, Oiartzungo euskara zinegotzia, Maika Martin, Errenkoalderen ordezkaria, Sebastian Galardi, Itturriren ordezkaria, Maite Martin, Laurak Bateko ordezkaria eta Edurne Mitxeo, Lezokoak elkarteko ordezkaria–.

“EUSKARAZ EDERRAGO!" ekimena

Apirilaren 13ra bitartean establezimenduekin hitz egin dugu banan bana, asmoak azaltzeko eta “Euskaraz ederrago” izeneko ekimenean parte har dezaten animatzeko.

Doako eskaintza bereziak merkatarientzat eta ostalarientzat.

Ekimenean parte hartzen duten okindegi-gozotegientzat eskaintza bereziak:

Ekimenean parte hartzen duten estetika zentroentzako eskaintza bereziak:

  1. 100 egun, 100 hitz egutegia banatu zaie estetika zentroei. Egutegi horretan apirilaren 19tik uztailaren 27ra bitartean euskarazko hitz bat ikasteko aukera ematen zaie euskaraz ez dakiten merkatariei eta ogiarekin loturiko esaera bat ikasteko aukera merkatari euskaldunei.
  2. “Euskaraz ederrago!” leloa daraman lanpasa bana emango diete parte hartzen ari diren establezimenduei, sarreran jartzeko.
  3. Azkenik urriaren 15etik aurrera estetikako establezimenduetan euskaraz egiten duten bezeroei banatzeko ispilu-orrazi sorta bana helaraziko diote parte hartzen duen establezimendu bakoitzari. 
  4. Otsailetik hona, doako zerbitzu eskaintzaren bitartez, jendaurrean dituzten idatzi eta oharrak euskaraz jartzen lagundu diegu (itzulpenak, maketazioa, paisaia linguistikoa euskalduntzeko euskarriak, aholkularitza teknikoa…).
  5. Horrezaz gain, estetika alorreko hiztegitxoa ere banatu zaie.

Dagoeneko 46 establezimenduk egin dute bat kanpaina honekin. Ez galdu aukera!

Horren guztiaren inguruko berri oraindik ez duen establezimendu-jaberen bat balego, eta interesatuko balitzaio, bere herriko euskara zerbitzuarekin harremanetan jarri besterik ez du. Honenbestez, Miguel Ángel Sánchez, Oarsoaldea Garapen Agentziaren lehendakariak, herritarrak gonbidatu nahi ditu eguneroko bizitza euskaraz egin dezaten. Hizkuntza bera erabiltzea da euskara indartzeko modurik onena.

Udalerrietako euskara zerbitzuak:

  • Errenteriako Euskara Zerbitzua 943 449 613 (Herriko enparantza z/g)
  • Lezoko Euskara Zerbitzua 943 513 476 (Donibane kalea 2)
  • Oiartzungo Euskara Zerbitzua 943 493 842 (Fermiñene etxea. Aialde, 2)
  • Pasaiako Euskara Zerbitzua 943 004 330 (Euskadi etorbidea 61 Trintxerpe)