Haur eta nerabeen eskubideak bermatzeko plana

Web edukia bistaratu

Pasaia, haurren eta nerabeen hiria

Udalak haur eta nerabeen eskubideak bermatzeko udal plana garatua du, eta berorren bitartez, udal-bizitzan eta Pasaiako herrian haurren eta nerabeen partaidetza bultzatzeaz gain, adingabeak subjektu politiko bihurtu nahi ditu. “Eskubidean” izeneko plana baliatuko da haurren eta nerabeen eskubideak garatzeko ezein udal-politika bultza dadin, eta adingabeak herriaren garapenean txerta daitezen. Haien arteko eta eragileen arteko elkarlana dinamizatzen laguntzeko proiektua da “Eskubidean”. Udalean aspaldi ulertu genuen gure herriko 2.430 haur eta nerabeak babestea gure herriaren etorkizunaren aldeko apustua egitea zela.

UNICEFen zigilua eskuratu dugu

Pasaiak haurren lagunak diren hirien aitorpena jaso du Oviedon, UNICEF erakundearen eskutik. UNICEFek, Haurren Lagun diren Hirien zigiluaren bidez, Pasaian haur eta nerabeen alde egiten den lana nabarmendu eta aintzatesten du.