JAKINARAZPEN ELEKTRONIKOA
Ondorio juridikoak dituen komunikazio administratibo bat egoitza elektronikoan argitaratzea, horixe da jakinarazpen elektronikoa. Aipatutako ondorio juridikoak ondokoak izan daitezke: erantzuteko edo dokumentazioa aurkezteko epearen hasiera, edo errekurtso edo alegazioak egiteko epearen hasiera, etab.
Jakinarazpenak kontsultatzeko, Egoitza Elektronikora sartu eta goiko aldean irudi honen antzeko esteka bat bilatu behar da:
Jakinarazpenaren hartzaileak edo bere ordezkariak jakinarazpenean sartzeko, euren burua identifikatu behar dute egoitza elektronikoan ziurtagiri elektroniko baten bidez. Era berean, paperezko jakinarazpen tradizionalean jasotzen den sinaduraren ordez, sinadura elektronikoa erabiltzen da.
Udalak sortutako jakinarazpen guztiak bitarteko elektronikoen bidez bidaliko dira, eta jakinarazpenen plataforman jarriko dira eskuragarri, baita harremanak bitarteko elektronikoen bidez izatera behartuta ez daudenei eta eskatu ez dutenei zuzendutakoak ere; kasu horretan, bitarteko elektronikoez gain, paperean ere bidaliko dira.
Interesdunari hainbat bidetatik jakinarazten zaionean, jakinarazpenaren datatzat hartuko da lehenengo egin dena.
Jakinarazpena bide elektronikoz edo paperean egiten bada ere, Udalak ohar bat bidaliko du interesdunaren edo haren ordezkariaren helbide elektronikora, jakinarazpena eskura jarri dela jakinarazteko. Ohar hori ez bidaltzeak ez du eragotziko jakinarazpena guztiz baliozkotzat jotzea. Abisua egingo da soilik interesdunak edo haren ordezkariak aldez aurretik jakinarazi badiote Udalari zein helbide elektronikotan jaso nahi dituzten abisuak. Era berean, helbide horretan izan daitekeen edozein aldaketaren berri eman beharko dute. Udalak abisuak egiteko posta elektronikoen datu-base eguneratu bat izango du, datu pertsonalak babesteko araudiaren mugekin.
Jakinarazpen elektronikoarekin batera, jaso izanaren agiria jarriko da interesdunaren eskura, jakinarazpenaren edukira sartu izana edo atzera bota izana justifikatu ahal izateko. Hartu-agiriak, gutxienez, jakinarazitako egintzaren identifikazioa eta hartzailea, eskura jarritako eguna eta ordua, eta edukira sartu edo atzera bota izanaren data eta ordua jasoko ditu.
Jakinarazpen-izapidea egintzat jotzeko, egoitza elektronikoak honako hauek jasoko ditu: edukira sartzeko data eta ordua, edo berariaz uko egin zaiola, edo legez aurreikusitako epea amaitu dela.
Behin 10 egun natural igarota, jakinarazpena egoitza elektronikoan eskura jartzen denetik aurrera, eta epe horretan jakinarazpena eskuratu ez bada, jakinarazpena egindakotzat jotzen da eta prozedurak aurrera jarraitzen du, aldizkari ofizialean zertan argitaratu beharrik gabe.