BERDINTASUN ARLOA

Pasaiako Udalaren Berdintasun Saila 2008an jarri zen abian, emakumeen egoerari buruzko diagnostikoa egin eta gero. Diagnostiko horretan sakon aztertu zen udalerriko emakumeen errealitatea zein zen, beharrak zeintzuk ziren eta emakumeek zein mugari egin behar zioten aurre. Halaber, Jabekuntza Eskola sortu zen diagnostikoa egin ondoren.

2015ean Udal Berdintasunerako I. Plana egin zen, eta 2023tik dago indarrean II. Berdintasun Plana. Generoaren zeharkakotasunerako funtsezko tresnak dira; alegia, Pasaiako Udalaren berdintasun-politikak sistematizatzeko eta koordinatzeko, eta arlo eta sail guztietan zeharka txertatzeko. Zehazki, Pasaiako Udalaren II. Berdintasun Planak lau helburu nagusi ditu:

• Gobernu ona.
• Emakumeen ahalduntzea.
• Ekonomiak eta gizarte-antolamendua eraldatzea.
• Indarkeria matxistarik gabeko bizitzak.

Urte hauetan zehar, Berdintasun Arloak ekimen, proiektu eta programa ugari garatu eta bultzatu ditu, besteak beste, Pasaiako emakumeentzako Jabekuntza Eskola, Berdintasun Mahaia, jatorri askotariko emakumeen taldea, heziketa sexual afektiborako plana ikastetxeetan, edo indarkeria matxistari aurre egin dioten emakumeentzako autolaguntzarako gunea.

Harremanetarako:

• berdintasuna@pasaia.net.
• 943344034 / Luzapena: 911