Pasaiako Udalak jakinarazi du topoa lurperatzeko lanak egiten ari den enpresak Hamarretxea eta Gure Zumardia (21-25) kaleen arteko bidegurutzean ibilgailuentzako trafikoa itxi beharra izango duela, telekomunikazioen kanalizazioak desbideratzearekin lotutako lanak egin behar baitira.

Hori dela-eta, kale hori itxi egingo da ibilgailuentzat, abuztuaren 16ko (asteartea) 8:00etatik abuztuaren 26ko (ostirala) 19:00etara, azken horretan aurreikusita baitago lanak amaitzea.

Horregatik, ibilgailuen zirkulaziorako beste aukera bat antolatuko da lanek irauten duten bitartean, eta honako hau izango da:
    • Hamarretxeta kaletik Gure Zumardia 21-25erako sarbidea ibilgailuentzat itxita egongo da, eta oinezkoen joan-etorria baimenduko da.
    • Gure Zumardiaren 21-25 zatia bi noranzkoa izango da, Gelasio Aranburu kaletik garajera eta zamalanak egitera sartzen direnentzat bakarrik.
    • Gure Zumardiaren 21-25 tartean azokaren fatxadaren kontra aparkatutako ibilgailuak hilaren 16an, asteartea, 08:00etan kendu beharko dira.
    • Gelasio Aranburu kaletik Nafarroa etorbiderantz doan bide osoa noranzko bakarrekoa izango da.

Gidariei behin-behineko seinaleak errespetatzeko eskatzen zaie.

Informazio eta larrialdietarako telefonoa honako hau da:

PASAIAKO UDALTZAINGOA 943.004300

Barkatu eragozpenengatik.