Bueltan da Pasaiako Zinema Txikia!

9 urtetik beherakoentzako ekimen honek zinemaz eta euskaraz gozatzeko aukera ematen die haurrei.

Aurtengo ikasturtean  8 emanaldi antolatu dira, urritik apirila bitartean (emanaldi bakoitzak 90 minutu inguruko iraupena izango du). Saioak Antxon, Donibanen eta Trintxerpen izango dira 17:30ean. Pasai Donibaneko saioetara joateko Trintxerpetik motora zerbitzua egongo da 17:00etan.

Sarrerak doakoak badira ere, Bibe.me plataforman erreserbatu beharko dira.

Haurrek arduradun batekin joan beharko dute, baina, haurrei zuzendutako ekintzak direnenez, lehentasuna haurrei emango zaie.

Aurtengo Zinema Txikiaren programazioa:

• Urriak 5: Momiak, Donibaneko Juanba Berasategi aretoan.
• Azaroak 2: Andregai hilotza, Donibaneko Juanba Berasategi aretoan.
• Azaroak 30: Karmengo Ama ikastetxeko LH2 eta LH3ko ikasleek aukeratutako pelikula, Trintxerpeko alkateordetzan.
• Azaroak 30: La Anunciata ikastetxeko LH2 eta LH3ko ikasleek aukeratutako pelikula, Pasai Antxoko kultur etxean.
• Urtarrilak 18: Deep sea. Sakontasunera bidaia bat, Donibaneko Juanba Berasategi aretoan.
• Otsailak 22: PasaiaLezo Lizeoko LH2ko ikasleek aukeratutako pelikula,  Donibaneko Juanba Berasategi aretoan.
• Martxoak 15: Goonietarrak, Donibaneko Juanba Berasategi aretoan.
• Apirilak 5: Robotia, Donibaneko Juanba Berasategi aretoan.