2025-2026 ikasturteko Pasaiako Zinema Txikiaren egitaraua aurkeztu da.

9 urtetik beherakoentzako ekimen honek zinemaz eta euskaraz gozatzeko aukera ematen die haurrei asteburuetan.

Iaz bezala, aurtengo ikasturtean  8 emanaldi antolatu dira, urritik apirila bitartean (emanaldi bakoitzak 90 minutu inguruko iraupena izango du). Saioak Antxon, Donibanen eta Trintxerpen izango dira 17:30ean. Pasai Donibaneko saioetara joateko Trintxerpetik motora zerbitzua eskainiko da 17:00etan.

Sarrerak doakoak badira ere, Bibe.me plataforman erreserbatu beharko dira.

Haurrek arduradun batekin joan beharko dute, baina, haurrei zuzendutako ekintzak direnenez, lehentasuna haurrei emango zaie.

Aurtengo Zinema Txikiaren programazioa:

• Urriak 4: Kiriku eta sorgina, Donibaneko Juanba Berasategi aretoan.
• Azaroak 1: Mamu harrapariak, Donibaneko Juanba Berasategi aretoan.
• Azaroak 29, Karmengo Ama ikastetxeko LH2 eta LH3ko ikasleek aukeratutako pelikula, Trintxerpeko alkateordetzan.
• Azaroak 29, Karmengo Ama ikastetxeko LH2 eta LH3ko ikasleek aukeratutako pelikula, Pasai Antxoko kultur etxean.
• Urtarrilak 17, PasaiaLezo Lizeoko LH2ko ikasleek aukeratutako pelikula,  Donibaneko Juanba Berasategi aretoan.
• Otsailak 7, Nimona, Donibaneko Juanba Berasategi aretoan.
• Martxoak 14, Minecraft film bat, Donibaneko Juanba Berasategi aretoan.
• Apirilak 18, Kaixo, Frida! Donibaneko Juanba Berasategi aretoan.