Pasaiako Udaleko Zerbitzuen Sailak jakinarazi duenez, abuztuaren 7tik 8rako gauean (ostegunetik ostiralera, beraz), ur mozketak izango dira Trintxerpen eta San Pedron.

Eten horien helburua Pasaiako sarean egon litezkeen ur-ihesak atzematea da. Horretarako, aldizkako mozketak egingo dira San Pedron eta Trintxerpen, izan ere bi barrutien hornidura-depositua berdina da. Hori dela eta, ez da bereizketarik egingo mozketen eremuan.

Zerbitzuen Sailak azaldu duenez, mozketak laburrak izango dira; 10-20 minutukoak, gutxi gorabehera. Gainera, bizilagunei ahalik eta eragozpen gutxien sortzeko, lanak gaueko 00:00etatik aurrera egingo dira.