Irailaren 21etik aurrera, Pasaiako udal liburutegiak udazkeneko ordutegiarekin hasiko dira. Era berean, zerbitzu batzuk zabaltzen hasiko dira, Covid-19aren ondorioz hartu beharreko neurriak kontuan hartuta. Jarraian ordutegi eta arau berriak.

ARAUAK

1. Liburutegiko sarrera nagusitik aurrera derrigorrezkoa izango da maskararen erabilera.
2. Sarreran eskuragarri dagoen gel hidroalkoholikoarekin garbitu behar dira eskuak.
3. Erabiltzaileek bakarka etorri behar dute liburutegira (12 urtetik beherakoak eta mendekotasunen bat dutenak beste pertsona batekin etor daitezke).
4. Pertsonen arteko distantzia mantendu beharko da uneoro.
5. Bueltatzen diren liburuak sarreran dauden kutxetan utzi beharko dira, orain arte bezala; astebetez gordeko dira berrogeialdian.
6. Ikasketa gela: aforo mugatuarekin eta distantziak mantenduz eseriko dira erabiltzaileak. Trintxerpeko goiko gela eta Antxoko gazteena ezingo dira erabili ikasteko, baina banaka sar daiteke liburuak hartzera.
7. Helduen mailegua: liburuak aukeratzera sar daiteke, gehienez bi pertsona eta 15 minutuz.
8. Haurren gela: soilik liburuak aukeratzera sar daitezke haurrak, gehienez bi pertsona 15 minutuz. 12 urte arte heldu batekin.
9. Jarduerak: hemendik aurrera, antolatzen diren jarduera guztietan segurtasun neurri guztiak beteko dira: distantziak gordeko dira, eserita egon beharko da, eta aurretik erreserba egin beharko da. Aforoa % 60koa izango da, gehienez.

ORDUTEGIAK

• San Pedro: astelehenetik ostiralera, 17:00-19:45
• Trintxerpe: astelehenetik ostiralera, 10:00-12:45 eta 16:00-19:45
• Donibane: astelehenetik ostiralera, 10:00-12:45 eta 16:30-19:45
• Antxo: astelehenetik ostiralera, 10:00-12:45 eta 16:30-19:45