Inauteriak ospatuko dira martxoaren 1ean hiru barrutietan. Hori dela eta, zenbait ekitaldi antolatu direnez, trafikoan aldaketak izango dira:

DONIBANE

Martxoaren 1ean desfilea eta beste hainbat ekintza izango direnez, Lezobidea kalea moztuko Meipiko biribilgunearen parean, larunbateko 10:00etatik igandeko 06:00etara.

Egun berean Donibane kalea moztuko da 13:00etatik 20:00etara.

Bizkaia plazara Larrabide errepidetik eta San Roke eta Juan XXIII kaleetatik sartu beharko da, eta handik irten, berriz, Bordalaborda kaletik.

Lineako autobusak Meipiko biribilgunean emango du buelta, larunbateko 10:00etatik igandeko 06:00etara.

SAN PEDRO

Pasaman Alargunaren kalea eta Herriko Plaza moztuko dira 11:00etatik 19:00etara.

13:00etatik 14:30era desfilea egingo da Zamatetetik Torreatzera, eta horrek trafiko-aldaketak sor ditzake.

Era berean, Arraunlari kaleko trafikoa moztuko da 19:00etatik 22:00etara, eta bi norabideetako trafikoa kaitik desbideratuko da.

ANTXO

Martxoaren 1ean 12:00etatik 14:00etara eta 18:00etatik 20:00etara hainbat ekitaldi izango  dira, eta ekitaldi horiek trafiko-aldaketak eragin ditzakete.