Datorren larunbatean, Santa Ageda bezpera, Santa eskean aterako dira Udal Euskaltegiko ikasle eta irakasleak, Musika Eskolako ikasle, trikitilari eta txistulariekin batera, Unai Mendizabal eta Jokin Ibarguren bertsolariak lagun dituztela, Trintxerpeko kaleetan barrena.

Ohiturari jarraituz, kantatzeaz gain, neguko solstizioaren ondoren, lurra makilekin kolpatzen da, lurra esnatu eta udaberriari ongietorria emateko.

Gudarien enparantzan iluntzeko 19:00etan elkartuko gara eta ekitaldia amaitzeko afari-merienda egingo dugu Txintxerpeko Alkateordetzan.