Eduki publikatzailea

Argitaratze-data: 2022/07/01

San Fermin 2022: Barraken muntaketa Luzuriagan, trafikoa desbideratzea eta aparkaleku alternatiboak

Antxon, uztailaren 4tik 13ra

Luzuriagako eremuan barrakak muntatuko direla-eta, ezin izango da balizatutako eremuan aparkatu egun hauetan: uztailaren 4ko (astelehena) 8:00etatik uztailaren 13ra.

Kupeldegi eta Blas de Lezo arteko Hamarretxeta kalean ere ezin izango da aparkatu uztailaren 6tik goizeko 9etatik uztailaren 11ra bitartean, postuak muntatzeagatik.

Jaietako aparkaleku alternatiboak:

  • Uztailaren 7tik (osteguna) aurrera, futbol txapelketa bukatu ondoren, Usozeko kirol-eremuan aparkatu ahal izango da.
  • Luzuriagan barrakarik gabe libre geratzen den eremuan bertakoentzako aparkalekua egokituko da.

Bestalde, uztailaren 6tik uztailaren 11ko 07:00ak arte Hamarretxeta, Zumalakarregi, Oarso eta Gure Zumardia kaleak zirkulaziorako itxita geratuko dira

Herriko sarrerak ohikoak izango dira: Eskalantegi eta Oarsoko zubia. Baina trafiko perimetrala ezarriko da kale hauetatik: Eskalantegi, Luzuriagako aparkalekuaren perimetrala, Gelasio Aranburu, Blas de Lezo eta Maiatzaren Lehena.

Kale horietan noizbehinka mozketak egin ahal izango dira, jaietako hainbat jardueratarako (buruhandiak, danborradak, etab.).

Herritik ateratzeko bideak: Papineko bidea, Luzuriaga - Gelasio Aranburu - Oarsoko biribilgunea, edo Blas de Lezo.

Herritarrei eskatzen diegu seinaleak errespetatzeko eta, bereziki, balizatutako eremuetan ez aparkatzeko; izan ere, eremu horietan aparkatutako autoei isuna jarriko zaie, eta garabiarekin erretiratuko dira.

Barkatu eragozpenak eta goza ezazue jaiez.

Informazio gehiago nahi izanez gero, deitu Udaltzaingora telefono-zenbaki honetara: 943 004300.