Eduki publikatzailea

Argitaratze-data: 2022/01/20

Pasaiako poesia-sarien banaketa

Urtarrilaren 28an Trintxerpeko liburutegian

Pasaia hiria -Xabier Portugal eta Villa de Pasaia -Altamira Puente poesia lehiaketako sariak argitaratu ditu Pasaiako Udalak, eta 1980tik aurrera antolatzen eta sustatzen dihardu. Sari hauen XVII. ekitaldian berrikuntza izan da, izan ere Portugal izenari euskara lotu zaio, eta Puente izenari, gaztelania. Biek ala biek ekarpen handia egin dute Pasaiako literatura lehiaketen eta kulturaren alde, eta egindako lanaren aitormena da honako lehiaketa hau.

  • Iosune de Goñi García (Burlata) "Gorputz baten aztarnak elurretan" poema bildumak merezi izan du Pasaia Hiria -Xabier Portugal lehiaketaren lehenengo saria. Bigarren saria, berriz, Imanol Sorondo Baltasar (Donostia) "Hiri arrotz bat" poema bildumak merezi izan du.
  • Tuve gatos", Álvaro A. Perdigón Delgado (Murcia), izan da Villa de Pasaia - Altamira Puente lehiaketaren lehenengo saria.

Nerea Beldarrain eta Irati Goikoetxea idazleak euskarako epaimahaiko lanetan aritu dira, eta Elena Roman, Jesus Maria Corman eta Felix Maraña izan dira gaztelaniazko epaimahaiko kideak. Gaztelaniaz 64 poesia-bilduma aurkeztu dira, eta euskaraz 12.

Saritutako poema-bildumak bi liburutan argitaratuko ditu Berminghamek, eta aurkezpena ostiralean, urtarrilaren 28an, 19:00etan Trintxerpeko liburutegian izango da. Bertan egingo dira liburuen aurkezpenak eta banatuko dira sariak.


Pasaiako sariak 1980. urtean sortu ziren, gogo biziz sortu ere Altamira Puente liburuzainak bultzatuta, Antxoko barrutian. Bertako liburutegian egiten ziren lehiaketak, haurrak eta helduak hitzaren eta arteen jardueretan trebatu zitezen. Udalak hasiera-hasieratik bere gain hartu zuen sarien sustapena, eta ekitaldiak bultzatu zituen. Sortze beretik izan zen sustatzaile. Altamira Puentek laguntzaileak izan zituen. Bereziki nabarmendu zen Xabier Portugal, bai idazle lanetan, bai Pasaiako zinegotzi eta alkate lanetan. Berak eman zion jarraipena ekimen honi bertan zuzenean parte hartuz. Bi lagun horien aldeko aitormena erakutsi nahian, Pasaiako Udalak erabaki du lehiaketak Xabier Portugalen eta Altamira Puenteren izenak eramatea.

Poesia-sari hau Gipuzkoatik eta Euskaditik kanpo zabaldu zen berehala, eta gaur egun poesiaren bozgorailuetako bat da.

Berrogeita hamarretik gora idazlek jaso dituzte sariak, bai euskaraz, bai gaztelaniaz, eta haien lanak hedatu eta zabaldu egin dira arretaz zaindutako edizioetan. Gaur arte 26 liburu argitaratu dira, 15 gaztelaniaz eta 13 euskaraz, 1981. urteko lehenengo bi liburuak argitaratu zirenetik. 

Pasaia Hiria sarien aldeko lanean lagun ugari aritu dira, nola lehiatzaileak, hala epaimahaiko kideak. Guztiak izan dira kualifikatuak eta hiru hamarkadetan zintzo aritu dira, garai batean Xabier Portugalek eta Altamira Puentek gogo biziz abian jarritako ekimen honetan.