Eduki publikatzailea

Argitaratze-data: 2020/07/21

Pasaia Kirol Badia Kluba. 2020-2021 ikasturteko informazioa

Izen-ematea zabalik dago

Pasaiako Udalaren Jarduera Fisikoaren eta Kirolaren Sailak bigarren urtez DBHko ikasleentzat lehiaketarik gabeko eskaintza bat jarriko du abian.

PKB kluba sortu berri dugu horretarako, eta zuengana jotzen dugu egitasmo honen berri emateko.

Baduzu gogorik lehiarik gabeko kirol jarduerak egiteko edo askotariko kirol abenturak diseinatu eta gauzatzeko edo ondo pasatzeko eta sasoian egoteko? Talde honetan aukera izango duzu.

Aurreko ikasturtean bezala, ahalik eta egitarau zabalena prestatuko da, eta horretarako, udalerriko baliabide guztiak erabiliko dira (publikoak, pribatuak, etab.), jarduera fisikoa eta kirola sustatzen duten herriko eragileekin elkarlanean.

Iaz programa honetan parte har zezaketen Pasaiako ikastetxeetan matrikulatutako DBH 1 eta 2ko ikasle guztiek edo udalerrian ikasi ez arren, bertan erroldatutakoek. 2020-2021 ikasturteari begira, DBHko ikasle guztientzat zabaldu da eskaintza, eta taldeak irailaren amaieran osatuko dira, izen-emateen arabera.

Talde bakoitzeko parte-hartzaileekin diseinatuko da ikasturteko programa eta haiekin elkarlanean jarduerak antolatuko dira.

Zerrenda itxi bat ez bada ere, jarduera hauek guztiak egin litezke, kronograma eta sekuentziazio jakin batzuen arabera, taldeak eta adinak kontuan izanik: eskalada, rokodromoa, orienting jarduerak, mendi ibilaldiak, BTT,  bizikleta tailerrak eta bidegorrian irteerak, pump track, skate-scooter edo bestelako irristaketa jarduerak, hockeya, futbola, arrauna, piragua,  pilota-pala, parkurra, kirol-instalazioa ezagutu eta frogatu, bela, eskubaloia, entrenamendu funtzionala, gymcana-Crossfit, mahai-tenisa, akroyoga-yoga, elikadura, eskrima, judoa edo ukipenezko jarduerak,  junir-ciclo, boleia, running-trail, erritmo eta dantza jarduerak, elkarteak ezagutu, ergometro txapelketa, lehen sorospenak, autodefentsa, kirol argazkilaritza eta dronak, arrantza eta ontziola…

Ikasturte amaieran FinisherRaid izeneko jardunaldia dinamizatuko da, eta hori izango da ikastaroaren amaiera.

Azken finean, kiroletan oinarritutako askotariko abentura-planak antolatzea da helburua, elkarrekin aniztasunean dibertitzeko.

Dagoeneko bi talde sortuko dira egungo izen emateen baitan:

  • -Astelehen-asteazkenetan 17:30-18:30
  • -Astearte-ostegunetan 17:30-18:30

Parte-hartzaile gehiago interesa edukiz gero, egun horietan bigarren ordutegia zabalduko da: 18:30etatik 19:30etara.

Informazioa erantsita doan orrian ez ezik, www.pasaia.eus web gunean ere eskura izango duzue. Irailaren hasieran Pasaiako eskoletan aurkezpenak egingo dira eta familientzako irekiko da kanal informatibo bat zalantzak, galderak eta bestelakoak kudeatzeko.

Osatzen diren taldeekin programatzen diren jardueretan zorrotz aplikatuko dira COVID19aren ondorioz agintari eskudunek ezarritako neurriak, jarraibideak edota bestelako gomendioak. Horiek egokituko dira kasuan kasu aplikagarriak diren neurriak aldatzen diren bakoitzean, beti ere jarduerak ahal den heinean modu seguruan egingarriak izateko.

COVID-19 PROTOKOLOA PKB taldeak:

Beti ere, indarrean dagoen OSASUN SAILEKO 3330 AGINDUA, 2020ko abuztuaren 19koa errespetatuko da, aurretik argitaratuta edota etorkizuean argitaratzen diren bestelako aginduak kontuan hartuko dira beti.  

Kasu honetan, PKBko taldeak atal honetan sailkatzen dira: Federatu gabeko kirol-jarduera fisikoa bakarka edo taldeka egin ahal izango da aire zabalean, kontaktu fisikorik gabe, eta gehienez ere 10 pertsonako taldeetan, aldi berean. Aire libreko praktika hori maskararik gabe egin ahalko da). Instalazio itxietan egiten den praktikan, jardueraren intentsitatearen eta espazioa zabalak erabiltzeko aukeren baitan mugatuko da musukoaren erabilera.

  • 1.- Haurrak musukoarekin eta PKBko ekipamenduarekin iritsiko dira jarduera burutuko den lekura. Saioaren hasiera baina 10 minutu lehenago iristea gomendatzen dugu.
  • 2.- Lerroan jarriko dira 1,5metroko distantzia mantenduz eta tenperatura hartuko zaie, 37ª edo altuagoa eduki ezkero etxera joan beharko dira.
  • 3.- Tenperatura hartu eta eskuak gelarekin garbitu beharko dituzte jarraian.
  • 4.- Behin denek eskuak garbiak dituztela, jarduerarekin hasi gaitezke.
  • 5.- Materialaren erabilera:
    • 5.1. Saioa hasi aurretik material guztia desinfektatuta egongo da.
    • 5.2. Saioan zehar partaideen artean material trukaketa eman behar bada, hau gertatu aurretik materiala desinfektatuko da.
    • 5.3. Saioan zehar erabili den material guztia desinfektatuko da amaieran.
  • 6.- Saioa amaitu eta partaideak berriro ere eskuak beharko dituzte.
  • 7.- Saio guztian zehar (jardueraren intentsitatearen arabera) musukoa jarrita eta 1,5 metroko distantzia mantendu beharko da.
  • 8.- Partaide bakoitzak bere motxilan eraman beharrekoa eta partekatu ezin dena:
    • - Gel hidroalkoholikoa
    • - Esku oihaltxo pakete txikia
    • - Toalla txikia eta ordezko kamiseta
    • - Ur botila eta merienda.
  • 9.- Ahal den heinean jarduerak espazio irekietan burutuko ditugu, arriskuak murrizteko.
  • 10.- Jarduera burutuko den lekuetara joateko, garraio aktiboa sustatuko dugu, ingurugiroan inpaktu baxua edukiko duena eta kutsatzen arrisku gutxiena sustatuko duena.