Pasaiako Udalak eta Laurak Bat elkarteak (Pasaiako merkataritza, ostalaritza eta zerbitzuen elkartea) "Pasaian Erosi" bonuen kanpaina jarriko dute abian ekainaren 1etik aurrera.

Ekimen honen bidez, deskontu-bonuak erosi ahal izango dira, 10 euroko prezioan, 15 euroko erosketak egiteko. Kanpainari atxikitako establezimenduek kartel bereizgarri bat jarri dute erakusleihoetan.

Erosketa-bonuak erabili beharko dira erosten diren establezimendu berean. Gehienez 4 bonu erosi ahal izango dira NAN bakoitzeko. Baina denda batean 2 erosi daitezke eta beste batean beste 2, adibidez.

Pasaiako Udalak Laurak Bat elkartearen laguntzarekin bultzatu duen ekimenaren helburua da udalerriko establezimenduetan kontsumoa sustatzea.

Kanpaina ekainaren 30ean amaituko da, edo atxikitako establezimenduetan bonuak agortzen direnean.

Atxikitako establezimenduak taula batean jasota daude.