Pasaiako Liburutegietako Irakurketa Klubak 2021-2022 ikasturteko azken saioa egingo du ekainaren 17an San Pedroko liburutegian 19:45ean. Iban Zalduaren "Sekula kontatu behar ez nizkizun gauzak" liburua landuko du taldeak oraingoan eta idazlea bertan egongo da. Saioa irekia da; beraz, norbaitek parte hartu nahi badu, ager dadila liburutegira egun horretan. Hilabetero bildu da taldea azken 9 hilabeteetan eta denetariko liburuak landu ditu Xabier Etxaniz Rojo moderatzaileak lagunduta. Udako atsedenaldiaren ostean, urrian berriro jarriko dira martxan kide guztiak.