Otsailaren 28an Pasai San Pedroko frontoian egingo da Pasaiako Mugimendu Feministak Emakumeen Nazioarteko Eguna dela-eta antolatutako jardueretako bat.

Zortzi emakume pasaitarrek omenaldia jasoko dute, hainbat arlotan egindako lan eta borrokagatik. 

Zortzi emakume horiek omenduko dira, Pasaiako emakume guztien ordezkari gisa.

12:00etan Trintxerpetik eta Torreatzetik pertsonen zutabeak aterako dira, eta 12:30ean frontoian elkartuko dira, omenaldi-ekitaldiari hasiera emateko.