Jaialdiko 4 egunetan zehar, Pasai Antxo eszenatoki bizidun bihurtzen da, udalerriaren txoko guztietara dantza hurbiltzeko gune ez-konbentzionalak erabiliz.

PASAIAKO DANTZA FESTIBALA-k bere hurrengo edizioa ospatuko du ekainaren 6tik 9ra Pasai Antxon, programazio anitz bat eskainiz. Programak euskal konpainia ospetsuak (LaSala, Led Silhouete, Kukai, Elirale) bertako dantza eskolak (IkerMurillo-Studio24, Alkartasuna), dantza estilo desberdinak sustatzen dituzten elkarteak (Donostia Lindy Hop, Unnity Hip Hop Lab elkartea) eta udalerriko adin ezberdinetako pertsonak parte hartzen duten proiektu inklusibo bat uztartzen ditu.

Ekintza eta ikuskizun guztiak doakoak dira, horrela komunitate osoaren parte-hartzea eta sarrera erraztuz. Jaialdia bitxiak diren espazio publiko eta insólitoetan gauzatuko da, esperientzia murgiltzaile eta irisgarri bat sortuz denontzat.

Aurten, jaialdiak 22 ekintza izango ditu guztira, 8 dantza konpainia profesional ospetsu eta 3 koreografo berrien piezak barne, eta dantza-zinemaren film labur baten estreinaldia ere izango da. Gainera, ekitaldi esperoenetako bat battle freestyle txapelketa izango da. Inprobisaziozko dantza lehiaketa honek dantza urbanoak ezagutu eta gozatzeko aukera paregabea eskainiko du.

Teo Alberro Pasaiako alkatearen iritziz: “Izen handiko konpainien, herriko eskolen, elkarteen eta boluntarioen lanari esker, jaialdi hau dantzaren esparruan erreferente gisa hazi eta sendotu da. Gure komunitatearen ahalegina eta lankidetza miresgarriak dira. (Harro egoteko modukoa da ikustea urtez urte jaialdi hau, bere esentziari eusteaz haratago, proposamen eta jarduera berriekin aberasten dela, gure bizilagunen dinamismoa eta sormena islatzen.)

Bukatzeko, jaialdiaren eskuragarritasuna nabarmendu nahi dut, Pasaiako Udalak, eta, jakina, Pasaiako Dantza Festibalak bultzatuta. Izan ere, jarduera guztiak doakoak izatea da modu bakarra ziurtatzeko inor ez dela geratuko dantzaren ospakizun honetaz gozatu gabe. Politika inklusibo horrek kulturarako sarbidea demokratizatzeaz gain, gure komunitatearen parte-hartze handiagoa ere sustatzen du, eta kohesio- eta partaidetza-giroa sortzen ditu.”

Ondare eta Kultura zinegotzia den Aitor Brionek gaineratu du “jaialdi hau dantzaren botere eraldatzailearen testigantza da, entretenitu ez ezik, pertsonak hezi, inspiratu eta elkartzen dituen diziplina.

Jaialdi hau tokiko eta eskualdeko talentuaren erakusleiho izateaz gain, proiektu eta dantza estilo berrien katalizatzaile ere bada”.

Laburbilduz, PASAIAKO DANTZA FESTIBALA kultur ekitaldi bat baino gehiago da; dantzaren ospakizun bat da, bere forma eta adierazpen guztietan, gure nortasun kulturalaren isla eta kohesio sozialaren eragile bat.”

PASAIAKO DANTZA FESTIBALA arte mugimenduaren erreferente bihurtuz doa, udalerriko eta kanpoko publiko leiala erakarriz. Dantza estilo anitzak ezagutzera eman nahi duen programazio batekin, jaialdiak prestigiodun konpainien erakusleiho izateaz gain, proiektu berrien katalizatzaile ere izan nahi du.

Ez galdu dantzaren forma eta adierazpen guztien ospakizun hau!