Eskubidean planeko DBH 1-2ko Antxoko kideek 12 eta 16 urte bitartekoentzako pala txapelketa antolatu dute, adin tarte horretan “hutsunea” sumatzen zutelako.

Finalaren aurreko partidak ekainaren 18, 25 eta uztailaren 2an jokatuko dira. Finala, berriz, uztailaren 5ean goizeko 11:00etan Ibaiondo pilotalekuan izango da. Txapelketan parte hartzeko  izen-ematea Antxoko Txema goxoki-dendan egin beharko da, ekainaren 15a baino lehen.

Ekimen horren ondorioz, gaur egun Antxon adin guztietarako pala txapelketaren eskaintza bermatzen da. Izan ere, 8 urtetik 12 urtera bitarteko gazteentzako txapelketa bat badago eta beste bi dagoeneko martxan dira: Papineko Gazteriak antolatutako pala txapelketa, eta Axular tabernak antolaturiko beteranoena.