Pasaiako Udalak jakitera eman ditu "Xabier Portugal-Pasaia Hiria eta Altamira Puente-Villa de Pasaia Olerki lehiaketaren" 23. edizioko irabazleak.

Sari horien helburuak dira literatura, oro har, eta poesia, bereziki, balioestea, eta herritarrengana helarazten laguntzea.

Euskarazko kategorian honako hauek irabazi dute:

Lehen saria: GOGOAN DUT, Gorka Salces Alcalde idazlearen lana.

Bigarren saria: HONDARRAK, Maitane Arizti Ugarteburu idazlearen lana.

Gaztelaniazko kategorian, epaia honakoa izan da:

Lehen saria: TEORÍA DEL EPÍLOGO, Rafael Bravo Arrizabalaga idazlearena.

Bigarren saria hutsik uztea erabaki du epaimahaiak.

Urtero egin ohi den modura, irabazitako lanekin liburua argitaratuko du Pasaiako Udalak.

Sari-banaketa abenduaren 18an izango da Trintxerpeko liburutegian 18:30ean. Sarrera doakoa izango da eta irabazleak txalotzeko aukera izango dute pasaitarrek.