Eduki publikatzailea

Argitaratze-data: 2021/11/17

"Meri, Mari eta Lari" ikuskizuna, Haur eta nerabeen eskubideen nazioarteko egunaren harira

Azaroaren 20an, Trintxerpen

Meri haurdun dago. Laster izango du umea. Aspaldi ikusi gabeko Mari lagunarekin topo egin du. Marik ez zekien Meri haurdun zegoenik. Ezusteko ederra jaso du. Eta iritsi da betiko galdera: umea zer izango den galdetu dio Marik Meriri. Zergatik galdetu behar dugu neska ala mutila izango den? Hori ez al du umeak berak aukeratuko etorkizunean? Zergatik mugatu bi aukera horietara? Izan nahi duen guztia izango du aukeran umeak: ameslaria, dantzaria, pilotaria, borrokalaria, jostalaria... Horregatik jarriko diote Lari izena.

Meri, Mari eta Lari ipuin eta kantuz osatutako antzezlana da. Ipuinen gaiak dira sexu eta genero aniztasuna, familia eredu ezberdinak, beldurrak baztertzea eta, azken finean, askatasuna. Ikuskizunak biltzen dituen abestiak Yogurinha Borovarenak dira, Sentipenak askatu diskoarekin ikusle gazteagoengana iritsi nahian argitaratutako kantak. Galder Perezek idatzitako eta Maria Urcelay aktoresarekin batera sortutako ikuskizun hau umeei zuzenduta dago, baina adin guztietako lagunentzat da aproposa. Denok dugulako sentipenak askatzeko beharra eta gogoa.

  • Noiz: azaroaren 20an
  • Non: Trintxerpeko pistetan. Eguraldi txarrarekin frontoian.
  • Ordua: 16:30

Fitxa

  • Gidoia: Galder Perez 
  • Sorkuntza eta antzezleak: Maria Urcelay, Yogurinha Borova 
  • Jantziak: Miguel Biurrun 
  • Espazio eszenikoa: Maria Urcelay, Yogurinha Borova 
  • Diseinu grafikoa: Higi Vandis 
  • Musika: Yogurinha Borova 
  • Ekoizpena: Lari Produkzioak 
  • Banaketa: Eidabe 
  • Iraupena: 50 minutu