Iritsi da jada La Bella Easo, La noche del 19 izeneko trilogiaren bigarren zatia. Xabier Terrones idazleak beldurrak airean izango gaitu berriz ere Donostian kokatutako istorio izugarri honekin. Idazleak berak aurkeztuko du liburua abenduaren 11n, 19:00etan, Trintxerpeko liburutegian. Ekitaldira eta egilearekin hitz egitera hurbil zaitezten animatzen zaituztegu.

Bere bizitza in extremis salbatu ondoren, Fran Casanueva Kriminologiako irakasle ohiaren agerpen egokiari esker, Mirenek ia ez du atsedenik aurkitzen bere etxean. Hori gutxi balitz bezala, 19ko gau horretan irakaslea desagertu egingo da arrastorik utzi gabe, eta horrek neskaren susmoak areagotuko ditu, hark benetan zein inplikazio ote duen Easo Ederraren Elkarte zahar eta sekretuan. Detektibe gazte eta hermetiko bat arduratuko da ikerketaz. Berarekin, protagonistak Donostiako iragan ilunari buruz askoz gehiago deskubrituko du, eta horrez gain bera ere inoiz baino arrisku handiagoan egon daiteke.