Ikasturtean zehar Eskubidean planean parte hartzen duten Donibaneko nerabe batzuk kukaina txapelketa prestatzen aritu dira azken asteetan.

Ekimena uztailaren 27an izango da 10:00etatik 12:00etara Santiago plazan. Parte-hartzaileek 10 urte baino gehiago izan beharko dituzte eta, horrez gain, QRan eskuragarri dagoen baimena eraman beharko dute sinatuta egunean bertan.

Izena emateko bi modu daude: eskubidean@pasaia.net helbidera mezu bat idatzi edota Pari Berrin dagoen taulan apuntatu.

Etor zaitez ekimen dibertigarri eta freskagarri honetan gozatzera!