2021eko azaroaren 11n, arratsaldeko 18:30ean, “JANE JACOBS: HIRIGINTZA ETA GIZARTEA” hitzaldia izango da, Impact Hub Donostia eta Ukolektiboa erakundeek antolatuta, Gipuzkoako Foru Aldundiko Lurralde Antolamendu eta Mugikortasun Departamentuaren laguntzarekin.

Jarduera hiru elementu hauen inguruan burutuko da:

1. Txomin eta Loiola auzoari buruzko dokumental laburraren aurkezpena, Iñaki Luis de Luzek egina, Nortefilms, Alvaro E. Olaizen laguntzarekin. 
2. Jane Jacobsen figurari buruzko hitzaldia: hirigintza eta gizartea, Alvaro E. Olaiz eta Victor Aspe arkitektoen eskutik, biak Impact Hub Donostiako kooperatibistak, UKolektiboaren sortzaileak eta Jane Jacobsen Pasealekuen arduradunak.
3. Hitzaldiaren ondoko tailerra. Bertan, mapa batean, Pasai Antxoko, Pasai San Pedroko, Pasai Donibaneko eta Trintxerpeko puntu beltz eta gatazkatsuak identifikatuko dira. 

• Data: 2021eko azaroaren 11, osteguna
• Lekua: Bekoz Beko elkartea, Zumalakarregi kalea, 7. Pasai Antxo
• Ordua: 18:30-20:15
• Sarrera dohainik.