Irailean zabaldu zen Pasaiako Jabetze Eskolaren udazkeneko matrikula, eta emaitza oso ona izan zen: ia 250 emakumek eman zuten izena; horietatik, 90ek lehenengo aldiz.

Orain, urtarrilean, ohi bezala Jabetze Eskolaren neguko-udaberriko programa jarriko da martxan eta izena emateko epea berriro zabalduko da. 

Jarduera berriak hauexek izango dira:

OSASUNTSU JAN ETA POZIK BIZI, Tatiana Arzelus Makazagarekin (elebitan).

Gure gorputza zaintzeko eta sistema immunea osasuntsu mantentzeko elikadura praktika osasuntsuak partekatuko dira.

• Antxon, Kultur Etxean eta Basari Elkartean. Asteazkenetan, 18:00etatik 20:00etara.
• Urtarrilak 31; otsailak 7, 14, 21, 28; martxoak 6, 13, 20; eta apirilak 3.

EMOZIOTEGIA, Nerea Redondo Otamendirekin (elebietan).

Gure ahalduntze prozesuan sentimenduak  identifikatu, onartu eta kudeatzeko tresnak landuko ditugu.

• San Pedron, Palazio Txikin (Helduen Biltokian). Ostegunetan, 17:00etatik 19:00etara.
• Maiatzak 2, 9, 16, 23 eta 30.

XILOGRAFIA ALDARRIKATZAILEA, Oihana Ugarte Iriarterekin (euskaraz).

Zurezko xaflarekin inprimatzean oinarritutako teknika artistiko hau ikasten hasiko gara, eta aldarrikapen feministarako erabiliko dugu.

• Donibanen, Juanba Berasategi Kulturgunean, Topagune gelan. Asteazkenetan, 18:00etatik 20:00etara.
• Apirilak 10, 17 eta 24; eta maiatzak 8, 15 eta 22.

EMAKUME FILOSOFOAK, Marisa Hurtado Caballerorekin (gazteleraz).

Emakume filosofoen ekarpenak aztertuko ditugu, gehienbat, garai atzerakoiei aurre egin dieten pentsalarienak. 

• Trintxerpen, Ulia Kultura aretoan. Ostegunetan, 18:00etatik 20:00etara.
• Otsailak 8 eta 22; martxoak 7 eta 21; apirilak 4 eta 18, eta maiatzak 2.

ORIENTAZIOA ETA MENDI-MARTXA, Sara Dorronsoro Alegriarekin.

Segurtasun-irizpideak, ibilbide-marken erabilera, orientazioaren oinarriak eta IKT tresnak ezagutuko ditugu, eta elkarrekin menditik ibiltzeko aukera izango dugu. Saio teoriko-praktikoak (aukeran):

• Antxo, maiatzak 6, 19:30-21:00 (Kultur Etxea)
• San Pedro / Trintxerpe, maiatzak 7, 19:30-21:00 (Trintxerpeko Alkateordetza)
• Donibane, maiatzak 8, 19:30-21:00 (sala polivalente de Juanba Berasategi Kulturgunea)
• Mendi-irteera progresiboak, Pasaiatik:
• Maiatzak 18 (8 km)
• Maiatzak 25 (10 km)
• Ekainak 8 (17,5 km)

Jarraipena duten jarduerak

Bestalde, urte osoko talde eta guneetan parte hartzeko izen-ematea berriro zabalduko da:

• Jatorri askotariko emakumeen taldea.
• Indarkeriarik gabeko espazioa: autolaguntza taldea.
• Ongi zaintzen eta maitatzen ikasteko taldea.
• Emakumeak korrikalari eta Emakume palistak.
• Jatorri askotariko emakume pasaitarren arteko elkarrizketak.

10. urteurrena

2013-2014 ikasturtean abiatu zen Pasaiako Jabetze Eskola; beraz, 10. urteurrenak markatzen du ikastaro hau. Mugarri garrantzitsu hori ospatzeko ikus-entzunezko pieza dokumental bat prestatuko da eta ekitaldi bat antolatuko da urte hauetan zehar parte hartu duten emakume guztiei elkartzeko aukera emateko. Horretaz gain, Berdintasun Mahaiarekin batera, Eskolaren inguruko gogoeta-prozesua abiatuko da, etorkizunari erarik onenean heltzeko.

Izen-ematea

Izen-ematea doakoa eta nahitaezkoa da, eta haurtzaindegi-zerbitzua eskaintzen da, aldez aurretik eskatuta. Izena emateko epea urtarrilaren 15etik 30era arte egongo da zabalik (biak barne), eta bi modu daude izena emateko inprimakia aurkezteko: 

• Aurrez aurre barruti guztietako HAZ bulegoetan.
• Online, udalaren online izapideen webgunean (horretarako identifikazio digitala beharko duzu).