Argitaratze-data: 2024/09/04
Pasaiako Jabetze Eskolaren ikasturte berria
Izen-ematea irailaren 9tik 24ra
Aurten ere, irailean irekiko dira Pasaiako Jabetze Eskolaren ikasturte berrirako izen-emateak. Udazken honetan epea irailaren 9tik 24ra egongo da zabalik.
Pasaiako Jabetze Eskolak 10. urteurrena ospatu zuen joan den ikasturtean. Hausnarketarako zein eraldaketa pertsonal eta kolektiborako gunea da: autonomia indartzea, eskubideak bereganatzea, bizitzari indarrez eta konfiantzaz aurre egitea eta beste emakume batzuekin sareak sortzea; horiexek dira bertako helburuetako batzuk. Eta gero eta gehiago dira Eskolako kide diren emakume pasaitarrak: joan den ikasturtean 305 emakumek eman zuten izena jardueraren batean; horietatik % 40k lehen aldiz eman zuten.
Berriro ere, 2024-2025 ikasturte honetan eskura izango dugu Jabetze Eskolaren programazioa, eta talde iraunkorrak, ikastaroak eta tailer berriak agertuko dira bertan.
Jarduera askok jarraipena izango dute, hala nola: Mindfulness, zoru pelbikoa eta sexualitatea, edo Munduko emakumeen literaturaren inguruko ikastaroek. Aurreko ikasturteetan erantzun ona izan duten proposamen batzuk ere itzuli dira, hala nola brikolajearen eta konponketen tailer trinkoa, edo autozaintza emozionalari buruzko ikastaroa. Eta ezin ditugu ahaztu egonkortu diren taldeak, hainbat profil eta interesetara bideratuak: emakume migratuak, zaintzaileak, kirolariak...
Berrikuntzen artean, jendaurrean gustura hitz egiten ikasteko tailerra egongo da, “Emakumeen ahotsak uhinetan” izenburuko irrati eta podcast ikastaroa, eta A25aren inguruko jarduera berezia, indarkeria matxistaren aurka gure ahotsak batzea proposatzen diguna, kantuak eta esloganak berreskuratuz eta sortuz.
Beste jarduera berri batzuk dira Klimaterioari eskainitako ikastaroa, sendabelarrei eta horien erabilerei buruzko tailerra, edo finantza pertsonalei buruzko prestakuntza; azken horrek arlo ekonomikoan ere ahalduntzeko aukera emango digu.
Izen-ematea doakoa eta nahitaezkoa da, eta haurtzaindegi zerbitzua eskaintzen da, aldez aurretik eskatuta. Izena emateko epea irailaren 9tik 24ra egongo da zabalik, eta bi modu daude izena emateko: aurrez aurre barruti guztietako HAZ bulegoetan, edo online udalaren webgunean, identifikazio digitalarekin.
Hemen daukazu 2024-2025 ikasturterako programa, jarduera guztien edukia, egutegia, ordutegia eta tokia barne.
