2013-2014. ikasturtean martxan jarri zenetik, Jabetze Eskola Pasaiako emakumeen ahalduntzerako ezinbesteko baliabidea izan da.

Emakumeok gure eskubideen jabe egiteko, gure bizitzetan autonomia eta konfiantza izateko, eta elkarrekin sareak sortzeko espazio ireki eta parte-hartzailea eraikitzea lortu dugu denon artean. Urtez urte Pasaiako emakumeen erantzunak aurrera jarraitzeko aukera ematen digu, interes eta eduki berriak txertatuz.

Orain, 10. urteurrena betetzen den momentuan, ibilbide hau ospatzeko eta bide honetan lagun izan ditugun emakume guztiei aitortza egiteko momentua iritsi da. 

Hori dela eta, datorren otsailaren 15ean (osteguna) Donibaneko Kulturgunean (Juanba Berasategi), arratsaldelo 18:30ean topaketa berezia antolatuko dugu. Jabetze Eskolaren inguruko bideo-dokumental laburra ikusi, 10 urte hauen inguruan gogoeta egin, eta mokadu bat hartuko dugu elkarrekin.

Mesedez, baieztatu etorriko zarela helbide honetan: berdintasuna@pasaia.net

Zatoz Pasaiako Jabetze Eskolaren 10. urteurrena gurekin ospatzera!