Ikasturtean zehar Eskubidean planean parte hartzen duten Donibaneko nerabe batzuek herriko jaietan goitibehera jaitsiera antolatu dute.

Ekimena uztailaren 26an izango da 17:00etatik aurrera San Roke aldapan. Parte-hartzaileek 10-18 urte izan beharko dituzte eta, horrez gain, QRan eskuragarri dagoen baimena eraman beharko dute sinatuta egunean bertan.

Izena emateko bi modu daude: eskubidean@pasaia.net helbidera mezu bat idatzi edota Pari Berrin dagoen taulan apuntatu.

Ez da beharrezkoa izango goitibehera izatea; hortaz, animatu eta zatoz ekimen interesgarri honetan parte hartzera!