Urriaren 1ean, Gasteizko Europa Jauregian, Oinarrizko Gizarte Zerbitzuen I. Jardunaldia egin zen. Bertan parte hartu zuten Pasaiako Udaleko zenbait teknikari eta gizarte langilek: Marian Suárez (migrazio eta aniztasun teknikaria), Amaia García (berdintasun teknikaria) eta Maider Gezala (gizarte langilea).

Beste udalen eta publikoaren aurrean ondorengo gaiari buruzko azalpena eta hausnarketa egin zuten: Pasaiako Udaleko Gizarte Ekintza Sailean emakume migratuekin diziplina anitzeko esku-hartzea.

Gainera, Barakaldoko Udalak aurkeztutako gaiaren inguruan ere sakontzeko aukera izan zuten Pasaiako Udaleko ordezkariek esperientzien mahai batean: Gure oinarrizko gizarte-zerbitzuetan bi arreta-zorro pilotatzea, gure arreta-eredua berrikusteko prozesuaren esparruan. Barakaldoko Udaleko hizlaria Jone Pariza izan zen (esku-hartze komunitarioko burua).

Pasaiako Udalean Gizarte Zerbitzuetan egiten den lanaren zatitxo bat aurkezteko aukera bikaina izan zen. Jardunaldiaren bideoa laster izango da eskuragarri.