Eduki publikatzailea

Euskaraldia aurkezteko bilera irekiak

Maiatzaren 23 eta 31 bitartean lau barrutietan

Pasaiako Euskararen Aholku Batzordeak lau barrutietako eragileekin elkarlanean Euskaraldia aurkezteko bilera irekiak antolatu ditu. Euskaraldia hizkuntza ohituren aldaketan lan egitea helburu duen egitasmoa da.

  • 2018ko azaroaren 23tik abenduaren 3ra egingo da lehen Euskaraldia, 11 egun euskaraz lelopean.
  • Euskaraz hitz egin eta/edo ulertzen duten herritarren arteko harremanetan hizkuntza ohiturak aldatzea du helburu.
  • Azken bi urteetan hainbat herritan martxan jarri diren dinamikak euskararen lurralde osora zabaldu nahi dira.
  • Ekimenak, besteak beste, herritarren aktibazioa du helburu, instituzio eta gizarte eragileekin elkarlanean.

Euskaraldia zer den aurkeztu ondoren, Pasaian ekimena nola gauzatuko den aztertuko dute: barruti bakoitzean nola antolatuko diren, parte hartzeko modu desberdinak zeintzuk izango diren... Horretarako, lau barrutietan egingo diren aurkezpen bileretara gonbidatu dituzte herritarrak.

  • - Trintxerpe: maiatzaren 23an, 18:30ean Alkateordetzan
  • - San Pedro: maiatzaren 24an, 18:00ean Udal Aretoan (Erti)
  • - Antxo: maiatzaren 29an, 19:00ean Kultur Etxean
  • - Donibane: maiatzaren 31n, 20:00etan Kulturgunean

Informazio gehiagorako: pasaia@euskaraldia.eus edo 688695520