Pasaiako Emakume Sortzaileen I. Azoka Bekoz Beko elkartearen jardueretan parte hartzen duten emakume artisau eta sortzaileek egindako lanen erakusketa da. Gure elkartearen helburua da emakumeak arlo guztietan ikusaraztea; emakumeen talentuari lekua, presentzia eta indarra ematea. Oraingoan, hainbat diziplinatako emakume sortzaileek egindako lanak erakutsi nahi ditugu: pintura, joskintza, eskulanak, diseinua, kakorratza,... Emi Pazos, Cristina Aguirrebeña, Grace Sandoval, Josebe Gondat, Maialen Ledesma, Izaskun Barbier, Drina Laruta, Kontxi Ibañez, Clara Barbier, Sara Sánchez, Sofía Herbón, Maribi Anton, Idurre Elosegi, Aurora Aguirre, Haizea Urkia, Eider Rebollo eta Cristina López.

Biteri plazan (Pasai Antxo) izango da ekainaren 24an, 11:00etatik 14:00etara. 13:00etan dantza polinesiarren erakustaldia izango da Hoku Kai taldeko emakume gazteen eskutik.