Kaixo, Pasaiako askotariko elkarteetako kideak: 

Pasaiako Udaleko sustapen sailetatik (Euskara, Kultura, Gizarte Ekintza, Kirola, Haur, Nerabe eta Gazteen Sustapena,  Haur eta Nerabeen Eskubideak) zuengana zuzentzen gara honakoaren berri emateko: 

Apirilaren 2tik aurrera, herri administrazio publikoekin (udalak, aldundiak, Eusko Jaurlaritza)  izango duzuen harreman guztiak -bai eskaera bat egiteko, bai diru-laguntzak eskatzeko edo beste edozertarako-  bide telematikoen bidezkoak izango dira nahitaez.

Aldaketa hori dela eta,  Pasaiako elkarteentzako prestakuntza-saio orokor bat antolatuko da Donibaneko kulturguneko Juanba Berasategi aretoan, apirilaren 19an, euskaraz 17.30ean eta gazteleraz, berriz, 19:00etan izango da. eskubidean@pasaia.net e-mailera idatzi interesa baduzue (elkartearen izena, kide kopurua eta hizkuntza zehaztu). Halere, saio horretan parte hartzeko informatikako  gutxieneko  ezagutzak beharko dira. 

Horrenbestez, jaso ezazue gure agurra.