Oarsoaldeko Kontsumo Bulegoak (KIUB) jende guztia animatu nahi du eguneroko bizitzan berrerabiltzea, birziklatzea eta hondakinak murriztea sustatzen duten praktikak egitera.

Ekonomia zirkularra filosofia bat da, eta hondakinen sorrera eta baliabide naturalen ustiapena murriztea du helburu, produktuak berrerabiliz eta materialak modu iraunkorrean kudeatuz. Esfortzu txiki bakoitzak balio du, eta pertsona bakoitzak etorkizun iraunkorrago bat sortzean ezberdintasuna eragin dezake.

Hori dela eta, KIUBek aholku praktiko batzuk ematen dizkigu kausa horretan laguntzeko eta Oarsoaldean ekonomia zirkularra sustatzeko:

Murriztu

Artikulu berri bat erosi aurretik, hausnartu ea benetan behar duzun edo posible den erosi gabe pasatzea. Erostea aukeratzen baduzu, azter ezazu erabilitako artikulu bat izateko aukera. Edonola ere, hondakin gutxien sortzen duten gaiak lehenesten saiatu: enbalaje gutxien dutenak, aurrezteko ontziak eta abar.

Berrerabili eta Konpondu

Artikulu bat baztertu aurretik, pentsatu konpondu daitekeen edo beste norbaitek bigarren erabilera bat eman diezaiokeen. Berrerabiltzeak objektuen bizitza baliagarria luzatzen du, lehengaien kontsumoa eta hondakinen sorrera murriztuz.

Bereizi zure hondakinak

Sailkatu behar bezala zure hondakinak birziklatzeko edukiontzi espezifikoetan. Material horiek behar bezala birziklatzeak zabortegietara iristen diren hondakinen kopurua murrizten laguntzen du, eta baliabideak berrerabiltzeko eta kontserbatzeko ziklo jasangarri bat bultzatzen du. Oarsoaldean material birziklagarriak egoki eta eraginkortasunez antolatzeko, funtsezkoa da bertako edukiontziak eta bilketa-guneak ezagutzea.

KIUBek informazio zehatza ematen digu material horiek nola eta non birzikla daitezkeen jakiteko, birziklatzeko material mota desberdinak behar bezala bereizi eta antolatzeko: (nik hemen esteka bat jarriko nuke hain luze gera ez dadin)

• Papera eta kartoia: Jarri papera eta kartoia gordetzeko edukiontzi urdinean, oro har hondakinak gaika biltzeko eremuetan.
• Ontzi arinak: Plastikozko eta metalezko ontzi arinak (botilak, latak, ontziak, etab.) edukiontzi horian utzi.
• Beira: Beirazko ontziak, hala nola botilak eta flaskoak, beirarako berariazko edukiontzietan jarri behar dira, berde kolorekoak normalean.
• Material organikoak: Hondakin organikoetarako, erabili materia organikorako edukiontzi marroiak, elikagaien hondarrak eta beste hondakin biodegradagarri batzuk barne.
• Metalak: Horia edukitzearekin bat ez datozen objektu metalikoak garbiguneetan utzi behar dira.
• Ehunak: Utzi arropa eta ehunak ehunentzako berariazko edukiontzietan edo eraman itzazu bilketa-puntuetara, berrerabiltzeko edo birziklatzeko.
• Elektronikoak (e-waste): Eraman gailu elektronikoak, hala nola telefono mugikorrak, ordenagailuak, inprimagailuak, etab., garbiguneetara edo birziklatze elektronikoko instalazioetara.
• Pilak eta bateriak: Pilak eta bateriak dendetan, supermerkatuetan edo izendatutako birziklatze-instalazioetan kokatutako edukiontzi berezietan utzi.
• Tinta- eta toner-kartutxoak: Itzuli erabilitako tinta- eta toner-kartutxoak birziklatze-programetan parte hartzen duten dendetara edo inprimaketa-zentroetara.
• Olio erabiliak: Sukaldeko olio erabilia berariazko bilketa-guneetara edo baimendutako birziklatze-zentroetara eraman.

Barneratu Ekonomia Zirkularra

Kontzeptu hori barneratzeak eta ondasunak eta zerbitzuak kontsumitzerakoan aplikatzeak ondasun eta zerbitzu horien bizi-ziklo osoan pentsatzera garamatza, ekoizpenetik hasita, eta hor aukeratu beharko genituzke ingurunea gehien errespetatzen duten teknologiekin eta materialekin fabrikatutako produktuak, edo eskulan etiko eta ongi ordaindutakoaren bidez egindakoak; bizitza baliagarriaren amaieraraino, non kalte gutxien eragiten dutenak, iraunkorrenak eta errazago konpon eta birzikla daitezkeenak aukeratuko baititugu.

Murriztu elikagaiak alferrik galtzea

Planifikatu zure janariak eta erosi behar duzuna bakarrik. Ahalik eta gehien aprobetxztu elikagaiak, eta kontuan hartu konpostajea elikagaien hondakinetarako.

Modu kontzientean erosi

Kontsumo oldarkorra eta beharrezkoa ez dena saihetsi, kontsumoak ingurumenean eta gizartean dituen ondorioei eta premiei buruz hausnartu beti, eta erosketa-modu jasangarriago, duinago eta errespetagarriago baterantz urratsak eman.

Partekatu zure esperientziak

Partekatu zure praktika iraunkorrak eta esperientzia positiboak lagunekin, familiakoekin eta sare sozialetan, beste batzuk mugimendu horrekin bat egitera bultzatzeko.

OARSOALDEKO KONTSUMO BULEGOA

Ordutegia: astelehenetik ostiralera 09: 00etatik 14: 00etara

• Olibet, 6. 20100 Errenteria
• 943 510 111
• kontsumo@oarsoaldea.eus