Urtero bezala, Donostiako Klasikoa Pasaiatik igaroko da. 45. edizioa abuztuaren 1ean izango da eta herrian trafiko aldaketa batzuk eragingo ditu.

Donibane

Barrutiko irteera itxita egongo da 13:45etik 15:30era, lasterketa Jaizkibelera sartzeko bidegurutzetik igarotzen delako. Jaizkibelerako sarbidea ere itxita egongo da ibilgailuentzat.

Antxo

Era berean, Pasai Antxotik Nafarroa etorbidera (lehengo N-I) doan irteera ere itxita geratuko da 13:45etik 16:30era bitartean, eta kasu honetan herrira Oarso kaleko biribilgunetik sartzea eta bertatik irtetea gomendatzen da.

Adierazi beharra dago ordutegiak gutxi gorabeherakoak direla, eta probaren garapenaren arabera alda daitezkeela.

Informazio gehiago nahi izanez gero, deitu Pasaiako Udaltzaingora, 943 00 43 00 telefonora.