Maiatzaren 15ean Pasaian Euskadiko Piraguismo Txapelketa egiteko Pasaia kayaken eskaerari dagokionez, eta kontuan harturik egin diren idatziak, eta izandako elkarrizketak eta bilerak, Udaltzaingoak honako hau adierazi behar du:

Alde batetik, une honetan osasun-egoerak hobera egin duen arren, gogorarazi behar da oraindik ez dagoela baimenduta lehiaketetan jendea egotea, Lehendakariaren 23/2021 Dekretuaren arabera. 

Antolatzaileek adierazi dute ez dela publikorik egongo proban. Gainera, lehiaketa ikusteko jende-pilaketarik egon ez dadin neurriak proposatu eta aurreikusi dituzte, sarbideak kontrolatzeko hainbat puntu ezarri dituzte boluntarioekin, eta Covid19aren aurkako segurtasun-plan edo -protokoloa aurkeztu dute.

Horregatik guztiagatik, eta Pasaiako Udaltzaingoaren jarduneko ofizial burua naizen aldetik, uste dut behar diren baldintzak betetzen direla osasun-irizpideei eusteko eta pilaketak saihesteko; beraz, gure iritzian, baldintza horietan proba egin daiteke. Nolanahi ere, agenteek ikusiko balute osasun-neurriak ez direla betetzen, proba bertan behera uztea erabaki liteke.

Pasaiako Udaltzaingoko jarduneko ofizial burua