Trintxer Kulturala elkarteak eta Pasaiako Udaleko Kultura Sailak Alfonso Zarranzen oroimenezko II. ARGAZKI RALLYA antolatu dute.

Argazkilaritza maite duten guztiei dei egiten zaie, horrelako jarduera batek dakarren sormen-ahalmen guztia zabal dezaten. Kamera digitala duen edonori irekita dago eta datorren igandean, 2024ko ekainaren 23an, egingo da Trintxerpen. Informazio guztia ondorengo webgunean kontsulta daiteke: www.trintxerkulturala.eus.

Trintxer Kulturalak eta Pasaiako Udalak argazkigintzaren zale guztiak animatu nahi dituzte parte hartzera. Ahalegin eta dedikazio handia jarriko da diziplina honen zale guztiekin batera egun atsegin bat igarotzeko.