Itsas jarduera oro bezala, Pasaia Itsas Festibala uneoro egokitzen da itsasoaren egoerara eta eguraldiaren bilakaeraren arabera. Festibala bihar hasiko da, eta biharko haize eta olatuen iragarpena dela eta, antolatzaileek nabigazioa aldatu dute: ontziak ez dira kanpoaldetik iritsiko eta, aldiz, Pasaiako badiaren barruan nabigatuko dute.

Bertaratuko den jendeak itsas ikuskizunaz gozatu ahal izango du San Pedrotik eta Donibanetik, eta topaketaren hasierari lotutako jai giroa mantenduko da. Aurreikusi bezala mantenduko dira tripulazioaren eta kapitainen ongietorri instituzionaleko ekitaldi tradizionala, lurreko kultur jarduerak eta datozen egunetarako aurreikusitako programa.

Eguraldiaren aurreikuspena nabarmen hobetuko da asteburuari begira; orduan, badian berriz ere jaialdiaren irudirik ikusgarriena ikusi ahal izango da, ontzi tradizional handiekin, itsas jarduerekin eta kultur zein jai egitarau zabalarekin.

Pasaia Itsas Festibalaren antolakuntzak publikoari gonbita egiten dio Pasaiara hurbiltzeko eta jaialdiaren giroaz, ontzi tradizionalez eta badia berriz ere itsas eta herri topagune handi bihurtuko duen kultur egitarau zabalaz gozatzeko.