Udalbatzak, 2020ko uztailaren 15ean egindako batzarrean, herritarrek parte hartzeko ondorengo programa onartu du: Pasaiako Udal Plangintzako Arau Subsidiarioen aldaketa, ADINBERRI adinekoentzako  erreferentziazko zentro eta osasun- eta laguntza-ekipamendu berria definitzeko.

Lurralde-antolamendu planak eta hirigintza-antolamenduko tresnak onartzeko prozedurak arautzen dituen martxoaren 24ko 46/2020 Dekretuaren 3.2 artikuluak dioena betez, programa argitaratzen da.

Dokumentuaren sustatzailea Gipuzkoako Foru Aldundia da eta "Adinberri" zentroaren sustatzailea ere bada. Aldiz, AASSen aldaketa izapidetzea Pasaiako Udalari dagokio.

Parte-hartzea hainbat jardueratan oinarrituko da, eta horien bitartez, eztabaida publiko eta sozialak sortuko dira tokiko kudeaketako gai zehatz baten inguruan: hiri-antolamendua. Horrela, Pasaiako etorkizuneko plangintzari buruzko hausnarketarako topaguneak sortuko dira eta herritarren ekarpenek AASSen aldaketaren eduki teknikoak aberastuko dituzte, emakumezko zein gizonezkoen ikuspegia kontuan hartuz.