Jarduera Fisikoaren eta Kirolaren Sailak jakinarazten dizue 2024ko ohiko kirol dirulaguntzetarako deialdia Gipuzkoako Aldizkari Ofizialean jada argitaratu dela. Eskaerak aurkezteko azken eguna abenduaren 15a izango da.

• Deialdia.
• Oinarriak. 
• Eskaerak udalaren online izapideen atarian aurkeztu beharko dira nahitaez. 
• Legez baimendutako eta elkartearen legezko ordezkari gisa egiaztatutako edozein pertsonaren izenean egin daiteke eskaera (ziurtagiri elektronikoa behar da). 
• Eskaera, E044 eskari orriaren bidez egin behar da.
• Egindako gastuen zerrenda erantsi beharko diozue eskaerari. Gastuen zerrenda E143 orriaren bidez aurkeztu behar da. 
• Aurretik azaldutako atalak jasotzen ez dituzten faktura guztiak ez dira dirulaguntzaren justifikazioan sartuko.
• Langile gastuen kasuan, honako hauen bidez justifikatu beharko dira: RLC (Kotizazioen Likidazio Zerrenda) eta RNT (Langileen Zerrenda Nominala), nominak, 110 eredua eta atxikipenen 190 eredua.
• Halaber, gogorarazten dizuegu dokumentazioa hasieratik eta bere osotasunean aurkeztu behar dela, azterketa eta diru-laguntzen ordainketa ez atzeratzeko.

Zalantzak argitzeko, HAZeko bulegoetara deitu 943-344034 edo Jarduera Fisikoaren eta Kirolaren Sailarekin jarri harremanetan (luzapena: 915 / posta elektronikoa: kirolak@pasaia.net).