Irailaren 19an Pasaia Musikalek 2024/2025 ikasturteari hasiera emango dio. Matrikulazio-prozesua joan den ekainean hasi bazen ere, espezialitate batzuetan oraindik plazak daude eskuragarri. Pasaiako "Pasaia Musikal" Musika Fundazio Publikoak interesa duten guztientzat hezkuntza-eskaintza zabala du 4 urtetik aurrera, adin mugarik gabe: musika eta mugimendua, musikaren hizkuntza, instrumentu sorta osoa, kantua, instrumentu-taldeak eta abesbatza.

Halaber, ikastetxeak zenbait espezialitatetako instrumentuak ditu, ikasleei doan laga dakizkiekeenak, bai eta musika-irakaskuntzetarako sarbidea sustatzeko dirulaguntzen programa bat ere.

Interesa duten guztiek matrikula formalizatu ahal izango dute web orri honetan edo telefonoz 943396055 zenbakira deituz.