Pasai San Pedroko Udal Aretoan 12 cm erakusketaren 21. edizioa egingo da aurten. Urtero bezala, formatu txikiko artelanak izango dira ikusgai.

Aurten bikoiztu egin dugu parte-hartzaileen kopurua, eta 200 artistek baino gehiagok egindako 400 lan inguru egongo dira bertan. Aniztasuna izango da erakusketan nagusi parte-hartzaileei dagokienez, baita obren estilo eta teknikei dagokienez ere: pintura, eskultura, argazkigintza, serigrafia, bideoa eta teknika mistoak erabili dira, besteak beste.

• Inaugurazioa: 2016ko abenduaren 16ean, 19:30ean
• Non: Pasai San Pedroko udal-aretoan. Morales Oliver plaza, 3, Pasaia
• Noiz arte: urtarrilaren 15era arte.
• Ordutegia: asteartetik larunbatera, 18:30etik 20:30era, eta igande eta jaiegunetan, 11:30etik 13:30era.
• Erakusketa itxita egongo da egun hauetan: abenduak 21, 24, 25, 31 eta urtarrilak 1, 5 eta 6.

Herrialde gonbidatua: Turkia.