“Memorias de una pierna” liburuaren ondoren, Roberto Álvarez Chans idazle trintxerpetarra istorio honen bigarren zatiarekin itzuli da, ondo kontatutako istorio hurbila.

Egileak berak egingo du “Lo que faltaba” liburuaren aurkezpena; liburuaren zirrikitu guztiak kontatuko dizkigu eta bertaratutakoek harekin hitz egiteko aukera izango dute.

Ekitaldia abenduaren 22an izango da, 19:00etan, Trintxerpeko liburutegian. Animatu.

1993ko maiatza. Lolori hanka moztu diote. Etxera itzultzean, konturatuko da ezin duela lehengo bizitza egin. Babesik gabe dago. Egoera berriari aurre egiteko ezinbestekoa izango du familiaren laguntza eta, batez ere, bere lagun bereizezina den Ignaciorena; harekin bere bizitzako unerik garrantzitsuenak errepasatuko ditu. Lo que faltaba liburuak bizipen eta oroitzapen multzo bat kontatzen du, protagonisten arteko elkarrizketen bidez azaleratzen direnak. Elkarrizketa horien bidez, ezagutuko ditugu frankismoaren azken urteetako barne-historia, demokraziaren sorrera, terrorismoaren garai gogorrak, Opusa, 23 F-a, kartzela eta, azken batean, gizartearen aurrerapena. Bitartean, Trintxerpe, Loloren auzoa, eboluzionatzen ari da eta "Dolarraren Hiria" izatetik "Drogaren Hiria" izatera igaro da.